Бүген лицеебызда Флюра ханым Абдуллина тәкъдиме буенча галим-археолог Фаяз Хуҗин белән очрашу узды. Казанның меңьеллыгын исбатлаган бу галим үзе оештырган һәм катнашкан төрле археологик экспедицияләр турында сөйләп укучыларны тәмам әсир итте. Казанның җир асты юллары, Касыйм ханлыгы чорыннан сакланып калган “Хан Мәчете”, Сөембикә төрбәсе турында яңа мәгълүматлар алынды. Әңгәмәбез укучыларның археологик экспедицияләрдә катнашып тарихка үз өлешләрен кертәсе килүе белән төгәлләнде.