Семинар барышында Казан шәһәре мәгариф идарәсе методисты Р.К.Зиннәтуллин, мәктәп директоры А.Җ.Шакирҗанова, директор урынбасары А.Л.Мәҗитованың чыгышлары һәм остазлык дәресләре булып узды. Килгән кунакларга татар әдәбияты һәм информатика, татар теле һәм инглиз теленнән катнаш дәресләр тәкъдим ителде. Рус әдәби әсәрләре белән татар әдәбиятындагы әсәрләрне чагыштырып өйрәтү, “Робототехника” түгәрәген татар телендә алып бару да укытучыларның күңеленә хуш килде. Килгән кунаклар  мәктәп эшчәнлегенә уңай бәя бирделәр.