18 нче февральдә зурлар һәм уртанчылар төркемнәрендә Идел буе халыклары уеннары турында күңел ачу кичәсе булды. Балалар төрле халыкларның уеннары белән таныштылар, уйнадылар.Төрле халык бию көйләренә биеделәр. Бәйрәм бик күңелле үтте.

Атналыкны дәвам итеп 17 нче февральдә "Халык фольклоры" көне билгеләп үтелде. Бу көнне төркемнәрдә төрле халык әкиятләрен уку һәм сәхнәләштерү, табышмаклар чишү, төрле халыкларның бәйрәмнәре турында шөгыльләр үтте. Беренче һәм икенче кечкенәләр төркеме нәниләре "Теремкәй" курчак театрын, зурлар төркемендә "Сертотмас үрдәк" әкиятен карадылар.

16 нчы февральдә, балаларда һәм әти-әниләрдә китапка мәхәббәт тәрбияләү максатыннан,  "Китаплар көне" үтте. Бакчабызда балалар һәм әти-әниләр яратып йөри торган китапханәбездә һәм 1 нче катта китаплар күргәзмәсе оештырылды.Балалар әти-әниләре, тәрбиячеләре белән китапханәдә булдылар, үзләренә ошаган китапларны алдылар.

15 нче февральдә бакчабызда герой- шагыйрь Муса Җәлилнең  туган көне уңаеннан Муса Җәлил -безнең йөрәкләрдә" дип исемләнгән әдәби-музыкаль кичә үтте.Нәниләр шагыйрьнең балалар өчен иҗат иткән шигырьләрен сәнгатьле итеп яттан сөйләделәр, сәхнәләштереп уйнадылар, җырларын җырладылар. Бәйрәмнән балалар  батыр шагыйребезгә карата горурлык хисләре белән калдылар.

"Татарстанда 2021 ел Туган телләр һәм халыклар бердәмлеге елы" кыссаларында безнең балалар бакчасында февраль аенда алдан расланга план буенча "Туган тел"атналыгы башланды. Ай башында , ягъни 3 февральдә "Татар халык ашлары көнен ("Бәлеш бәйрәме") бәйрәм иттек. Бу проект онлайн формасында үтте. Әти-әниләр балалар белән берлектә төрле бәлеш төрләрен пешереп күрсәттеләр. Өлкән төркем балалары бу бәйрәмдә бәлешләр турында шигырьләр сөйләдерләр, җырлар җырладылар, татар халык уеннарын уйнап күңел ачтылар. Бәйрәм әти-әниләр әзерләгән презентацияләр белән үрелеп барды