“146 нчы “Ресурс” Лицее” бызда 24 нче сентябрь  көнне  Казан федераль университетының Идел буе төбәкара мәгариф хезмәткәрләренең квалификациясен күтәрү һәм яңадан әзерләү үзәгендә укучы татар теле һәм әдәбияты укытучылары өчен ”Укучылар белән тәрбия эшен оештыруда нәтиҗәле   технологияләр һәм методикалар куллану ” темасына семинар булып узды. Кунакларыбызга талантлы балалар белән эшләүче сәнгать студияләренең иҗади презентациясе тәкъдим ителде. Моңлы җырлар, дәртле биюләр, сәнгатьле сүз осталары  чарабызны тагын да җанландырып җибәрде. “Сәхнә” театр түгәрәгенә йөрүче балаларның осталыкларын  күреп, семинарыбыз кунаклары аларны алкышларга күмделәр.  Шулай ук “Ритмика- физкультураның өченче сәгате” проекты кысаларында башлангыч мәктәп укучылары төрле халык биюләрен югары дәрәҗәдә башкардылар. Кунакларыбыз, үз чиратында, директорыбыз Диләрә Салиховна Кәримовага,  укытучыларга, укучыларга олы рәхмәтләрен һәм теләкләрен юлладылар.