,,Әкияттә кунакта” темасы буенча 5 нче В сыйныфының рус төркемендә әдәбият дәресе үткәрелде (укытучы Зәйдуллина Э.Ф.).  Дәреснең актуальләштерү этабында әкиятләр турында әңгәмә үтте. ,,Өч кыз” татар халык әкияте сәхнәләштерелде. Дәреснең максаты – укучыларны мөстәкыйль фикер йөртергә, укыганнардан  һәм сөйләгәннәрдән чыгып, нәтиҗә ясарга өйрәтү; әниләргә карата шәфкатьлелек, миһербанлык, мәхәббәт хисләре тәрбияләү иде. Бу дәрес укучыларга аеруча ошады. Чыннан да, мондый дәрес төре укучыларның иҗади сәләтләрен ача, бер-берләренә ярдәмчелек, теләктәшлек хисләре тәрбияли. Оялу, кимсенү кебек тискәре сыйфатларны  булдырмаска ярдәм итә.