Шактый гына еллар узса да, сугыш елларының авырлыгы, илебезгә китергән кайгысы хәтерләрдән җуелмый. Аеруча өлкәннәребезнең истәлекләрендә дә ачык чагыла ул. Бөек Җиңү көне уңаеннан һәм "У войны не женское лицо..." социаль - гуманитар проектын тормышка ашыру кысаларында 7 нче мәктәпнең 7 нче В сыйныфы укучылары тыл ветераннары Тәгъзимә Газизулла кызына һәм Раиса Гыйләҗ кызына җитәкчеләребез тарафыннан әзерләнгән күчтәнәч капларын һәм котлау открыткаларын тапшырдылар. Хөрмәтле ветераннар, сезнең барыгызның да тормыш юлы төрле, әмма яшь чакта сезне уртак бәла- Бөек Ватан сугышы берләштергән. Сезнең буын кешеләренең батырлыгы һәм каһарманлыгы аркасында без бүген ирекле илдә яшибез. Бүген без сезгә утлы елларның бөтен авырлыгын үз җилкәләрегездә күтәреп, Җиңү көнен якынайту өчен куйган батырлыгыгыз өчен тирән хөрмәтебезне җиткерәбез.