Мәктәбебезнең 8А сыйныфы укучылары татар теле укытучысы Шәйдуллина Тәнзилә Рәхим кызы җитәкчелегендә  шәһәребезнең 7нче балалар китапханәсендә оештырылган  әдәби кичәдә катнаштылар. Чара Түбән Кама шәһәрендә яшәп иҗат итүче шагыйрә Альбина Мортазина иҗатына багышланган иде. Туган ил, туган тел, туган авыл, туган табигать , якын дуслар, мәктәп еллары- болар барысы да шагыйрәне тирән дулкынландыра торган темалар. Укучыларыбыз шушы  изге төшенчәләргә багышланган  шигырьләрне яттан сөйләделәр. Авторга үзләрен кызыксындырган сораулар бирделәр. Альбина Зөфәр кызы Мортазина  мәктәбебезгә “Яңгыр моңы” дигән өр-яңа шигырьләр   җыентыгын  бүләк итте.