Чәй татарның йөзе. Таң атуга жырлый-жырлый табынга менеп кунаклаган самавыр үзе ни тора! Ә инде чәй эчү,чәйгә чакыру кебек күркәм гадәтләр халкыбызны сыйфатлаучы милли горурлык булып санала.Затлы чәйдә алтынсу-көрән төстәге чәчәк бөреләре күп була. Шул бөреләр чәйне хуш исле һәм файдалы итә. Иң югары сыйфатлы чәй,жайдак  татарның күн итеге кебек бөрешкән,үгез муены сыман бөдрә,күл өстедәй ялтыравыклы,дымлы жир шикелле сусыл һәм йомшак булырга тиеш. Без,20 нче мәктәп укучылары, тарих битләренә кире әйләнеп кайттык.Безнең  борынгы әби-бабайларыбыз да чәйне бик яратып эчкәннәр. Менә шуңа күрә дә без бүген әңгәмәне чәй турында алып бардык. Әйе,әйе "Бер  чынаяк чәйнең кырык ел хәтере бар" дигәннәр бит.