Татар халының классик, заман җырларын популярлаштыру; сәләтле балаларны ачыклау һәм аларның үсеше өчен шартлар тудыру; халкыбызның милли үзенчәлекләре, күркәм сыйфатлары үрнәгендә яшь буынны тәрбияләү,буыннар бәйләнешен тәэмин итү; сәхнә сәнгатен, башкару осталыгын үстерү; туган телгә, татар халкының композиторларына, шагыйрьләренә һәм аларның әсәрләренә карата мәхәббәт тәрбияләү максатыннан Түбән Кама муниципаль район мәктәпләрендә сыйныфлар арасында "Көйле, моңлы татар җыры" бәйгесенең сайлап алу туры графигы нигезләнде. Бәйгегә әзерлек җыр дәресләрендә һәм дәрестән тыш вакытта алып барылды. Безнең мәктәптән дә бу бәйгедә 5А, 6А һәм 6Б сыйныф укучылары җыр укытучысы Чиркова Надежда Александровна һәм туган теле укытучылары ярдәме белән шәһәребезнең 26нчы мәктәбендә 4нче апрельдә чыгыш ясадылар. Быелгы бәйгенең репертуары эшче профессияләргә һәм театр эшчәнлегенә багышланган иде.