Дөнья һәм дөнья әдәбияты – исемнәре иҗатларының мәңгелек данына әйләнгән күп кенә шагыйрьләрне белә. Ләкин шагыйрь һәм герой Муса Җәлил кебек әсәрләре белән генә түгел, бәлки үлеме белән дә исемен мәңгеләштергән шагыйрьләр бик аз. 15 февраль – Муса Җәлилнең туган көне. Туган тел декадасы кысаларында мәктәбебездә аңа багышланган әдәби-музыкаль чара узды. Чара мәктәпнең актлар залында туган теле һәм әдәбияты укытучылары: Гарифуллина Ләйсән Әнәс кызы, Латыйпова Раилә Хаҗип кызы җитәкчелегендә оештырылды. Яңа сулыш алган “Минем тавыш” әдәби проектында 3 - 8нче сыйныф укучылары бик теләп катнаштылар. Сәхнәдә патриотик җырлар яңгырады, экраннан Бөек ватан сугышы һәм Ленинград блокадасы буенча төзелгән презентацияләр төзелмәсен карадык.

5нче А сыйныфы укучылары инсценировкалардан өзекләр күрсәттеләр. Кечкенә сыйныф укучыларына аеруча В.Осееваның “Ике пирожный” хикәясеннән сәхнәләштергән өзек ошады. Әдәби чара М.Жәлилнең “Җырларым” шигыре белән тәмамланды. Әдәби проектта катнашкан укучыларны, декадада актив катнашкан укытучыларны линейкада бүләкләячәкләр.