Татарстан Республикасы Мәгариф һәм фән министрлыгының 2018-2019 нчы уку елы планы нигезендә «2014-2021 нче елларга Татарстан Республикасы дәүләт телләрен һәм Татарстан Республикасында башка телләрне саклау, өйрәнү һәм үстерү» дәүләт программасын тормышка ашыру кысаларында Татарстан Республикасы Мәгариф һәм фән министрлыгы тарафыннан Татарстан Республикасы Түбән Кама муниципаль районы Мәгариф үзәге белән берлектә, күренекле шәхесләренең иҗатын барлау, өйрәнү, пропагандалау максатыннан, гомуми белем бирү оешмалары укытучылары өчен 2019нчы елның 7нче февралендә Ризаэддин Фәхреддин исемендәге XV республика педагогик укулары шәһәребезнең Бакый Урманче исемендәге гимназиясендә үткәрелде. Укуларның читтән торып үткәрелгән турында гомуми белем бирү оешмаларының татар теле һәм әдәбияты, тарих укытучылары, музей җитәкчеләре, тәрбия эшләре буенча җаваплы директор урынбасарлары катнашты. Укуларның II турында катнашу өчен 61 эш сайлап алынды һәм теркәлгән кушымтадагы исемлек нигезендә эшләрнең авторлары чарада катнашты. «Яшь буынны тәрбияләүдә Ризаэддин Фәхреддин хезмәтләрен куллану» секциясендә мәктәбебезнең туган тел һәм әдәбияты укытучысы Гарифуллина Ләйсән Әнәс кызы катнашып, призлы III урынга лаек булды. Ләйсән Әнәсовнаны әлеге җиңүе белән тәбрик итәбез һәм алга таба да уңышлар телибез!