24 мартта   Түбән Камада район һәм шәһәрнең сәләтле балалары арасында үткәрелә торган иҗади бәйгегә йомгак ясалды. Быел Татарстанның халык шагыйре, дәүләт һәм җәмәгать  эшлеклесе, якташыбыз Разил Вәлиев  премиясенә бәйгедә 59 укучы катнашып,  шулардан 23 яшь каләм тибрәтүче төрле номинацияләрдә призлы урыннарга лаек булдылар. 

   11 нче мәктәпнең 6А  сыйныф укучысы Венера Дәүләтшина   яшь язучылар арасында 2 нче урынны яулап алды һәм кыйммәтле бүләкләр белән бүләкләнде (җитәкчесе А.С. Шакирова ).  “Шомбай варислары” (юмористик хикәяләр) номинациясендә 5 нче В сыйныфы укучысы Илназ Хафизов җиңүгә лаек булды (җитәкчесе Ф.Я.Вагыйзов).