Бу  очрашу милли эшләр буенча директор урынбасары Ибраһимова Нурия Габитовнаның чыгышы белән башланып китте.  Аннан соң аналарны котлап җырлар җырланды, шигырьләр укылды, балалар төрле уен коралларында уйнадылар. Укучылар узләренең остазлары – укытучылары белән бергәләп чыгыш ясадылар. Бу күренешкә карап сокланмый мөмкин түгел  иде.  Аналарга багышланган җырлар әниләрнең күңеленә хуш килде: күпләр күзләрендәге шатлык яшьләрен тыя алмады. Концерттан соң,  әниләр балаларның кул эшләре, рәсемнәре, аларга багышлап язылган сочинениеләр урнаштырылган  күргәзмә белән таныштылар.

            Чараның икенче өлешендә   биш укытучы  аналарга дәрес бүләк итте.  Балалары белән беррәттән дәрестә  катнашып утырган  аналар вакытның  узуын сизми дә калдылар.

            Иң күңеллесе  ахырда иде. Дәрес тәмамлангач,  балалар аналарын бәйрәм белән котладылар. Әни кешегә баласының үз кулы белән ясаган бүләгеннән дә кадерле нәрсә бармы икән?!

            Ике сәгатькә сузылган бу чара һәр ананың  күңеленә хуш килде, укытучылар адресына күп рәхмәт сүзләре әйтелде.