Бүген 1 гимназия нигезендә бөек шагыйребез Муса Җәлилнең туган көненә багышланган "Сөй гомерне, сөй халыкны, сөй халыкның гомерен" дип исемләнгән бөтенрәсәй форумы булып узды. Биредә 35 нче лицей укучылары да катнашты. 7 нче А сыйныфынан Кәлимуллин Ислам һәм Гилаева Айгөл "Шигырь уку" секциясендә әсәрне сәнгатьле итеп яттан сөйләделәр һәм лауреат дипломына, ә Хуҗина Алинә 6 нчы В сыйныф укучысы укытучысы Галиева Гөлнар Исмәгыйль кызы язган "Җиңү хисе" шигыре белән 2 урынга лаек булды. 5 нче Д сыйныф укучылары Зинатов Кәрим, Хафизова Айгөл "Фразеологизмнар нәрсә турында сөйли" секциясендә ат дагасын кул эше итеп ясап, аның турында бик кызыклы мәгълүмат җиткерделәр. Шулай итеп алар да бик лаеклы 1 нче урынны алдылар. Гыйниятуллина Алсу Рафис кызы әлеге форумга укучыларын әзерләү белән беррәттән, үзе дә килгән кунаклар өчен "Милли бизәк" дип исемләнгән мастер- класс оештырды. Укучыларыбызга һәм укытучыларыбызга иҗади уңышлар теләп калабыз!