Гимназиябездә Милли мәгарифне үстерү буенча төрле юнәлештә  эш алып барыла, төрле кызыклы чаралар үткәрелә.  Күптән түгел бездә кунакта шәһәребездә яшәп иҗат итүче шагыйрә Мария Логинова булды. Бу искиткеч үзенчәлекле, аянычлы язмышка дучар булган, көчле ихтыярлы, талантлы шәхеснең иҗаты тыңлаучыларда зур кызыксыну, ихтирам уятты. Автор башкаруында аның йөрәккә үтеп керерлек шигырьләре укылды. Укучыларыбыз үзләренә ошаган әсәрләрне яттан сөйләделәр, Мария ханым белән җанлы, кызыклы әңгәмәдә актив катнаштылар. Очрашу барыбызда да җылы тәэсир калдырды.