13нче гимназия-интернатта 21нче февральдә Халыкара туган телләр көне уңаеннан, Халык иҗаты һәм мәдәни мирас елы кысаларында зур чара узды. Һәр сыйныф, җирәбә буенча алдан сайлап алынган республикабызда яшәүче халыкларның милли ризыкларын, киемнәрен һәм көнкүреш әйберләрен өйрәнеп, күргәзмә оештырдылар. Чарага кунак буларак аксакаллар шурасы әгъзалары Суфиян абый Минһаҗев, Васил абый Камалов, "Туганайлар" газетасы вәкиле Фирая апа Моратова, башкорт оешмасы рәисе Хәсәнов Гали Әхтәрович, чуваш оешмасы вәкиле Алевтина Анатольевналар чакырылган иде. Алар укучыларның башкарылган эшләренә югары бәя биреп, 1-3нче урыннарны билгеләп кенә калмыйча, һәрбер сыйныфка диплом бирүне үтенделәр, бик зур эш башкарылган диделәр.