Бүген Каенлы мәдәният йортында фольклор бәйрәм - Карга боткасы үткәрелде. Балалар хуҗаларга теләкләр теләп боткага сөт, май, төрле ярмалар, чәй табынына тәм-томнар, йомырка җыеп кайттылар. Бу бәйрәмнең тарихын искә төшерделәр, җырладылар, биедек. Әби агач кимереп йөргән "кәҗә"не бау белән бәйләп алып килде. Балалар белән бергә агачларның файдасы, аларга тияргә ярамаганлыкны "кәҗәкәй"гә аңлаттылар. Балалар бик теләп уен-ярышларда катнаштылар. Казанда ботка, учакта коймак пеште. Балалар тәмле ботка, коймак ашадылар. Каргаларга да өлеш чыгардылар.