Туган тел-2024"
Татарстан республикасының милли гаиләләре арасында оештырылган бәйге-фестиваль нәтиҗәләре
Бөек татар теле, анам теле! Кемнәр генә сиңа сокланмаган hәм мактау җырлары җырламаган?! Кемнәр генә синең ярдәмеңдә дөньяны танып белмәгән hәм үзенең уй-хисләрен башкаларга сөйләмәгән.
Чыгышларны Түбән Кама шәһәре башлыгының киңәшчесе Ханов Фирдавис Гайнетзянович һәм “Аксакаллар шурасы” җитәкчесе Камалов Васил Галиевич сәламләделәр. Бакый Урманче исемендәге 2нче гимназия директоры Гаязова Айгөл Нильсоновна, мәдәният идарәсе башлыгы урынбасары Курмашева Гөлназ Ниязовна, жюри рәисе 45 нче балалар бакчасының татар һәм рус телләре тәрбиячесе Фаттахиева Гөлчәчәк Шамсивалиевна катнашучыларны алкышлар белән каршыладылар.
Музыка залына керүгә гаиләләр җылы милли мөхиткә чумдылар, чөнки барсы да түгәрәк чәй өстәлләре артында фестиваль тамашасын карап һәм халкыбызының элек электән уйналаган, бүгенге көндә дә яратып уйнала торган “Чума үрдәк, чума каз”, “Капкалы” уеннарында катнашып күңел ачтылар.
Безнең зурлар төркеменә йөрүче Маликова Амелия әнисе һәм апалары белән шушы бәйгедә катнаштылар.
“Милли бию” номинациясендә 2 нче дәрәҗәле дипломга ия булдылар.Афәрин!Без аларга бик зур рәхмәтебезне белдерәбез һәм алга таба зур уңышларга ирешүләрен теләп калабыз.