Елның сихри фасылында, көн белән төн тигезләшкән мәлдә, татар халкы Сөмбелә бәйрәмен үткәргән. Ул - көзге бәйрәм, уңыш бәйрәме. Сөмбелә - ул " башак" дигән сүз. Җитен чәчле, зәңгәр күзле, зифа буйлы, сүзгә тапкыр, эшкә уңган кызны Сөмбелә дигәннәр. Бу бәйрәмдә өстәлгә һәрвакыт икмәк, ягъни ипи куйганнар. Ул көзге муллык, байлык символы булган Ул көнне, өйдән - өйгә йөреп, җырлап-биеп күңел ачканнар. Укучылар да көзге уңыш турында үзләренең тапкырлыгын, зирәклеген, җитезлеген сынап карадылар. "Кәрзиндә ниләр бар?", "Бәрәңгене кем тизрәк җыя?" кебек уеннар үткәрелде. Яшелчә һәм җиләк - җимешләр турында кызыклы табышмаклар төзү, башак турында әкият  уйлап чыгару, күзне бәйләп яшелчәләрне тану кебек биремнәр башкарылды, бәйрәм турында кызыклы кичә оештырылды.