Семинарның төп максаты булып, эш тәҗрибәсе белән уртаклашу аша бердәм белем бирү киңлеген булдыру, тәрбия һәм белем бирүне төрле яктан үстерү, туган тел һәм милли мәдәният өлкәсендә башлангыч белем бирүне тәэмин итүдә уңайлы тирәлек булдыру иде.

Семинарны тормышка ашыру кысаларында, «Умырзая» балалар бакчасы педагоглары, мәктәпкәчә яшьтәге балаларның сөйләм эшчәнлеген үстерү буенча ачык шөгыльләр күрсәттеләр. Шулай ук, әлеге чара көн үзәгендәге темаларга чыгышлар, осталык дәресләре белән аралашып барды. Күргәзмә чараның күркәм башлангычы булды, күргәзмә залында кунаклар кулдан эшләнгән методик пособиелар белән танышты, педагогларның үз куллары белән эшләгән кулланмалары: лэпбуклары, ковробуклары, өстәл-дидактик уеннары беркемне дә битараф калдырмады. Анда тәрбиячеләр үзләренең кабатланмас эш тәҗрибәсе белән урнаклаштылар, һәр педагог үзенең эше белән таныштырып үтте, бәяләмә алды.

Тәрбияче хезмәтеннән видеоөзекләр исә көндәлек  эшнең дәвамлы, системалы булуын ассызыклады. Педагоглар, шәһәр балалар бакчаларында татар теленә өйрәтүне үзенчәлекле, күпкырлы эшләр кулланып, һәрдаим кабатлап кына нәтиҗәгә ирешеп була дигән фикерне әйтеп үттеләр. Һәрвакыт элемтәдә торырга дигән фикер белән очрашу тәмамланды.