Янгын-планетада тереклек өчен бик зур бәла. Янгыннарның күбесе кешеләр гаебе белән килеп чыгуы сер түгел, шулай ук балалар катнашында да дә күп бәхетсезлек очраклары булып тора. Бу бәхетсезлекләр гади кызыксыну, ут белән саксыз эш итү яки белемсезлек аркасында килеп чыга. Янгын белән дөрес көрәшү өчен бик күп белем таләп ителә. Шуларны истә тотып балаларда янгын куркынычсызлыгы кагыйдәләрен үтәүгә аңлы һәм җаваплы мөнәсәбәт формалаштыру һәм балаларның экстремаль хәлләрдә үз-үзләрен тота белү өчен кирәкле белемнәрен һәм күнекмәләрен ныгыту өчен Янгын куркынычсызлык көне үткәрелде.  Балалар "Янгын чыгу сәбәпләре" дигән видеоролик карадылар, "Янгын вакытында үз-үзеңне тоту кагыйдәләре" плакатлар белән таныштылар, тәрбиячелэр "Янгын куркынычсызлыгы кагыйдәләре" дигән әңгәмә үткәрде һәм  слайдлар ярдәмендә янгын сүндерү чаралары белән таныштырдалар. Балалар өчен бигрәк тә «Янгын сүндерүчеләр» рольле-сюжетлы уенын уйнау кызыклы булды. Алар  уйнадылар да һәм  бер үк вакытта практикада янгын куркынычсызлыгы кагыйдәләрен үзләштерделәр.