Балаларның сагынып, көтеп алган җәй айлары да килеп җитте. 2 нче июнь көнне балалар бакчасында гөрләтеп Сабан туе үткәрдек. Сабан туен зурлар һәм мәктәпкә әзерлек төркеме балалары төркемнәргә кереп нәниләрне, тәрбиячеләрне Сабан туена чакырып, бүләкләр җыеп башлап җибәрделәр.Сабан туена килгән һәр кеше тылсымлы капка аркылы үтеп, бии-бии балаларга үзләренең иң матур теләкләрен әйтеп үттеләр. Кереш өлештә “Су анасы” һәм “Веселушка” балаларның кәефләрен күтәрделәр. Уртанчылар, зурлар һәм мәктәпкә әзерлек төркеме балалары үзләренең һөнәрләрен күрсәттеләр. Сабан туенда гадәти халык уеннары: көрәш, су ташу, бау тартышу, капчык киеп йөгерү, атта чабышу, җиләк җыю кебек уеннар үткәрелде. Сабан туен үткәрүдә актив катнашкан: Гөлчәчәк Шаукатовна, Айзилә Рифнуровна, Лениза Фаизовна, Зульмира Закиевна, Халида Хатиповнага зур рәхмәтебезне белдерәбез.