Бүген бакчабызда "Җиңү кайтавазы" исеме астында төбәкара бәйгегә йомгак ясалды. Бәйрәм формасын алган чараны мәртәбәле кунаклар:Аксакаллар шурасы әгъзалары Суфиан Минхаҗев, Мансур Ганиев, Васил Камалов, "Кол Гали" милли китапханә мөдире Гыйбадуллина Гүзәлия,  "Бердәм Партия" сәркәтибе Ульданова Чулпан тагын да ямьләделәр. Хөрмәтле жюри әгъзалары Әхмәтова Гөлнара, Нурзия Мирхазова, Ләйсән Хәйруллина, Рәсимә Нәбиуллина педагогларның проектларын карап үз карарларын хәбәр иттеләр. Бәйге балаларыбыз чыгышы,тәрбияче  Венера Архипова оештырган мастер - класс белән үрелеп барды. Якынлашып килүче зур бәйрәм "Җиңү көне" белән котлап,киләсе елда да бәйгенең инде республика күләм дәрәҗәгә менүен теләп, югары кәефтә бәйгебез тәмамланды.