27 нче балалар бакчасында тәрбияләнүче сабыйлар кичәгә ныклы әзерлек белән килгәннәр. "Бүләк" китабында урын алган һәрбер шигырьне сәнгатьле итеп сөйләделәр. Китап авторына  төрле сораулар бирделәр. "Сез бик бәхетле балалар, язучы белән очрашу безнең балачакта булмады, без китаплар да күрмәдек..." диде үзенең чыгышында китапханә мөдире Галиева Резедә Рәис кызы. Нурзия Мирхазова очрашу барышында үзенең дә балалар бакчасына йөрүен, балачакта һәрбер мизгелнең күңелдә уелып калуын бик мавыктыргыч итеп сөйләде. Шулай ук балаларны кызыксындырган сорауларына җавап бирде. Туган телебездә саф татарча уздырылган мөһим эчтәлекле кичәдә автор нәниләргә изге теләкләр теләп китабын бүләк итте.