Телне ата-бабаларыбыз иксез-чиксез дәрья белән  чагыштыралар.  Ә бу дәрья серле, сихри, бай аның суында нинди генә энҗе-җәүһәрләр юк! Әти-әниләрнең төп бурычы туган телнең бай мөмкинлекләреннән файдаланып, бала күңеленә, сабый йөрәгенә матурлык, игелеклелек, инсафлык орлыклары чәчү, шушы бай  мирасыбызны  кулланып, ана телен  танып-белү,  аның байлыкларын сөйләмдә куллана белергә өйрәтү, әхлакый саф туган телен, Ватанын сөя белүче шәхесләр тәрбияләп үстерү. Һәр гаилә үз баласының ана телендә әйбәт сөйләшә белүе өчен җаваплы...