VБары Туган якта иңнәргә канат үсә, күңелдә җыр туа! Ә инде якташларың алдында сине зурлап, хөрмәтлиләр икән, димәк син чын шәхес, кирәкле кеше. Моннан да зур бүләк булмас әлбәттә!..

“Сүз” нәшриятының баш мөхәррире, Ш.Маннурның мирас комиссиясе рәисе Шаһинур Мостафин тарафыннан, бакчабызның өлкән тәрбиячесе – Нурзия Рашит кызы Мирхазованы Мамадыш районында уздырыласы чарага махсус чакыру хаты килде.  Шулай ук хатта данлыклы Мамадыш районының атаклы язучысы Шәйһи Маннур туган көнендә ел саен (15 нче гыйнваренда) “Кышкы шигъри Сабантуй” бәйрәме оештырылуы, әдәби иҗат белән шөгыльләнүче талантлы якташларга махсус премия тапшырылуы да искәртелгән иде. Кышкы күркәм чарада Татарстан Язучылар берлеге рәисе Рафис Харис улы Корбанов һәм Мамадыш районы хакимияте башлыгы Анатолий Петрович Иванов тарафыннан хупланып һәм расланып Н.Мирхазовага “Бүләк” дип исемләнгән китабы өчен Шәйхи Маннур исемендәге мәртәбәле премия тапшырылды. Котлыйбыз!