1 нче октябрь көне - елдагыча өлкәннәрне үзебезнең бакчабызга җыйды. 39 нчы балалар бакчасының беренче мөдире – Борһанова Сания Әнвәр кызы, беренче өлкән тәрбиячесе – Фирсова Валентина Федор кызы, хуҗалык мөдире – Шалафаева Елена Васил кызы, өлкән шәфкать туташы – Абдулова Сания Гәрәй кызы һ.б. хезмәткәрләребез безнең һәрдаим көтеп алган кунакларыбыз.

Алар игътибарына иң элек балалар һәм зурлар көче белән әзерләнгән музыкал чыгышлар, җылы котлау сүзләре яңгырады. Бакчабыз буенча экскурсия оештырылды. Аннан әңгәмәбез чәй табыны артында дәвам итте. Яңалык буларак, быел оештырылган ветераннар советына кергән, бүгенгесе көндә балалар тәрбияләү эшендә тырышып эшләүчеләр дә кунакка килгән пенсионерлар белән бергә бәйрәм иттеләр. Ветераннар советы рәисе – Гордеева Люция Гаптелхәбир кызы әлеге мероприятиены оештыруда үзеннән зур өлеш кертте. Бакча мөдире – Миннури Хайдаршевнага зур рәхмәт белдереп, киләсе елга тагын очрашырга сүз куешып, таралыштылар.