Шәһәребездә Тукай атналыгына багышланган чаралар гөрләп узды. Ел саен әлеге мөһим эшләрне оештыруның күпчелеген китапханәчеләр үз өсләренә алалар. Түбән Кама шәһәрендә яшәп иҗат итүче язучы авторлар белән таныштыру кичәләрен дә китапханә хезмәткәрләре әзерли һәм алар, гадәттә, үзе бер бәйрәм төсмерен ала.

Туган җир, туган йорт, туган авыл, Ватан! Күңелне үсендерүче, илһам бирүче асыл сүзләр! Һәркемгә дә үз иле кадерле булган кебек, Нурзия Рашит кызының да иҗатында, язган шигырьләрендә туган ягына мәхәббәт, дан җырлана, бигрәк тә аның “Уйланабыз уй төшкәч”, “Үз җирем”, “Ашкыну” шигырьләрендә әлеге уй-кичерешләр калку чагыла.