14нче санлы Балалар үзәгендә “Татарстан дигән ватаным бар, татар дигән бөек халкым бар” дигән шәһәркүләм бәйге узды. Ул ел дәвамында үткәрелде. 13нче апрельдә финал туры узды. Финал туры 3 этаптан торды: самопрезентация, интеллектуаль тур һәм иҗади номер. Бу бәйгегә тирән белем һәм әзерлек кирәк: балалар халкыбызның үткәндәге чын тарихын, телебезне, динебезне, гореф-гадәтләребезне, бөек шәхесләребезне яхшы белүләрен күрсәтәләр. Шулай итеп милләтебез язмышына битараф булмаган, милләткә тугрылыклы хезмәт итәрлек, милләтпәрвәрлар тәрбияләүгә шартлар тудыра. Бу бәйгедә безнең укучыбыз Дәүләтшина Диләрә, 10Б сыныфы укучысы, 2нче урынга лаек булды (җитәкчесе Ә.М. Закирова). Бу аның  җиңүе очраклы түгел, чөнки ул – тирән белемле, үз милләтен яратучы чын татар кызы.