2 ноябрь көнне 52 нче мәктәп укучылары көзге ялларын Төркиядә яшәп, иҗат итүче язучы Наилә Хөрмәтова белән очрашудан башлап җибәрде. Кичәне китапханәче Нурутдинова Илфания Камил кызы әзерләде һәм Нургалиева Фәния Рафаэль кызы белән  алып бардылар. Кичә ике өлешкә бүленде. Беренче өлешендә башлангыч сыйныфлар  һәм икенче өлешендә  9а сыйныф укучылары катнашты. Шулай ук  мәктәпнең профсоюз оешмасы җитәкчесе Закирова Рузия Газиз кызы кичәне оештыруда үзеннән зур өлешен кертте. Наилә апалары укучыларның  яшь үзенчәлекләрен истә тотып   эчтәлекле, файдалы, кызыклы әңгәмә корды. Үзенең иҗаты,тормышы, яңа чыгачак китабы белән дә таныштырды, шигырьләрен укыды. Китапханә күргәзмәсендәге үзе яраткан язучылары Мөхәммәт Мәһдиев, Хади Такташ әсәрләренә дә  күзәтү ясады. Төркия турында истәлекләр белән уртаклашты. Очрашу мизгелләре укучыларның күңелләрендә  язучы иҗатына карата җылы хисләр уятты .