23 ноябрь көнне мәктәптә бәйрәм рухы хөкем сөрде. Без үзебезнең мәктәп бинасында “Үксезләр” (“Сироты”) фильмын карау бәхетенә ирештек. Фильмны караганнан соң күңелләр тулды. Кешеләр арасындагы мәрхәмәтсезлеккә, битарафлыкка шаккатырлык. Берсүзсез, әрнү-сызланулар турындагы кинофильм безне тетрәндерде, уйга салды. Соңыннан фильмның режиссёры Нурания Җамали , балаларның дәү әниләренә әйләнгән, “Яңа гасыр” каналында “Күчтәнәч” тапшыруын алып баручы, фильмда әби ролен башкаручы Әлфинур Хисами, “Үксезләр” повестынынң авторы Равилә Шайдуллина-Мурат, артистка һәм продюссер Салахутдинова Миләүшә Галимовна белән әңгәмә корып, үзебезне кызыкындырган сорауларга җаваплар алдык.

Танылган шәхесләр, кино һәм театр артистлары белән очрашулар мәктәбебездә традициягә әйләнеп барганганмы, зал шыгрым тулы иде.