“Татарстан хәзинәләре” шәһәр программасы кысаларында апрель ае Габдулла Тукай иҗатына, тормыш юлын өйрәнүгә, аннан үрнәк алу максатыннан үткәрелә, «Без - Тукай оныклары!» темасын яктырта. 
 Г.Тукай әдәбиятны балалар тәрбияләүдә иң көчле корал дип саный. Ул сүзнең бөек көченә, аны бары тик урынлы куллана белергә генә кирәклегенә нык ышана. Шагыйрь балаларга дөньяви белемнәр бирү белән бергә аларда намуслылык, кешелеклелек кебек гүзәл сыйфатлар тәрбияләргә, аларда патриотик һәм интернациональ тойгылар формалаштырырга омтыла. Тукайның күп әсәрләре Туган җирне, аның матур табигатен, сөекле Ватанны, туган халкыңны ярату хисләре тәрбияләү теләге белән язылган. Хезмәт кешесенә сокланган шагыйрь яшь буынны хезмәт белән тәрбияләүнең әһәмияте турында онытмады, иҗатында кеше чын мәгънәсендә намуслы тырыш хезмәттә бәхетле була дигән фикерне алга куя. 
Шушы максатларны күздә тотып, без дә 42 нче лицей укучылары
 Г. Тукай скверында урнашкан һәйкәл янында чыгыш ясадык. Аның  иҗатын өйрәнү буенча матераллар тупладык,  китапханә, музейларга бардык. Һәйкәл янында аның "Карлыгач" шигыре белән 5е сыйныфы укучысы Суниева Зәмирә чыгыш ясады.