“Мин татарча сөйләшәм” шәһәр программасының икенче турында “Туган илем Татарстан” дип аталган  уен - викторина  уздырылды. Бәйгедә шәһәребез  мәктәпләренең 5 -7  нче сыйныф укучылары, барысы  50 команда, 353 укучы катнашты.  Алар Татарстан тарихы, мәдәнияте, сәнгате, истәлекле урыннары, татар халкының тормышы, көнкүреше, башкалабыз Казан, туган шәһәребез Яр Чаллы, КамАЗ   турындагы  сорауларга җавап  бирделәр, презентация слайдларындагы истәлекле урыннарны танып белделәр, татар халкының милли костюмнары турында аукционда катнаштылар. Бу бәйгедә безнең мәктәбебезнең 6а сыйныф укучылары командасы (Ганиева Нурсинә,Вафина Эльвира, Харисова Әминә,Сибгатуллина Аделина,Насырова Заррина)  1 нче дәрәҗә дипломга лаек булды. Афәрин, кызлар!  Киләчәктә дә зур уңышлар юлдаш булсын сезгә!