«Табигатьне  чүп-чардан саклыйк!»

 “Чүпләр. Башка. Юк. Яр. Чаллы”  дип аталган экологик хәрәкәт тәкъдим иткән республика күләм бәйге-акциядә катнаштык.  Бәйгенең төп максаты кулланылыштан чыккан яраксыз батареяларны күбрәк җыеп тиешле урынга тапшыру иде. Чөнки, билгеле инде, башка күп төрле калдыклар кебек үк, эшләү срогы чыккан батареяларның да әйләнә-тиәрәгә зарары бик күп. Бу мөхим проблеманы төрлечә чишү юлларын эзләү  максатыннан хөкүмәтебез тарафыннан да зур эшләр  эшләнә башлады. Безнең 52нче “Әкият” балалар бакчасы да бу чарадан читтә кала алмады. Инде бик күп еллар дәвамында бакчабызда әйләнә-тирә табигатебезне, икенче төрле итеп әйткәндә экологияне саклау буенча төрле эшләр башкарыла. Билгеле инде мондый дөньякүләм проблемалардн бакчабызның әти-әниләре дә читтә калмый. Менә бу юлы алар ярдәме белән 33кг60 грамм яраксыз батареяларны җыеп тапшырдык. Бакча күләмендә иң күп җыйган 10 нчы төркем балалары, әти-әниләре һәм бигрәк тә бу эшне башлаучы тәрбиячеләр  Чертовских Анна белән Мирзагитова Раушанияләргә әфәрин генә диясе кала. Алар барлыгы 5кг430гр амм батарея җыйдылар. Ә бәйге - акциядә иң актив катнашучы 1нче кечкенәләр төркеменнән Ялалов Кәрим булды, ул бер үзе барлыгы 150 данә яраксыз батарея тапшырган. Бакчабызда оештырылган һәрбер эш тәрбияви максатны күздә тотып  башкарыла. Бу очракта кечкенәдән балаларның аңында табигатьне сакларга, аны төрле зарарлы әйберләр белән чүпләмәскә дигән төшенчә сакланачак.