Бүген, шагыйрь Г.Тукай иҗатына багышланган «Язлар алып килде Тукайны»дип исемләнгән шәһәркүләм бәйгенең 2 нче туры уздырылды. Анда бәйгенең 1 нче турында 1, 2, 3 урыннарны яулаган 25 балалар бакчасыннан балалар катнашты. Кичәне Су анасы, Кәҗә белән Сарык, Шүрәленең керүләре  тагын да ямьләндереп җибәрде.  Балалар шагыйрьнең үзләре өйрәнгән шигырьләрен сөйләделәр. Кунакка тагын шагыйрә, С.Сөлайманова исемендәге премия лауреаты, А.Грибоедов премиясе лауреаты, Татарстанның атказанган мәдәният хезмәткәре  Әлфия апа Ситдыйкова, мәктәпкәчә яшьтәге  белем һәм тәрбия бүлеге хезмәткәре, Чаллы ТВ корреспондетлары да килгән  иде. Балалар, шигырьләр сөйләп, уен уйнап, күңел ачтылар. Кичә «Туган тел» шигыре белән башланып, «Туган тел» җыры белән тәмамланды. Балалар мактау кәгазьләре белән бүләкләнделәр.