Балалар бакчасында 3 февральдән «Күңел җылыңны бүләк ит» исеме астында хәйрия акциясе башланды. Ул хәрби операциядәге сугышчыларга ярдәм йөзеннән оештырылды. Акция төрле юнәлештә оештырылды: ярминкә, медицина кирәк-ярагы,матди ярдәм, балалардан сугышчыларга рәсемнәр һәм хатлар. Бу акциядә бакча хезмәткәрләре дә, балалар да, ата-аналар да катнаша. Акция барышында җыелган акчага сугышчылар сораган әйберләр алу күздә тотыла. Якынлашып килүче Ватанны саклаучылар көне  уңаеннан уздырылган акциягә беркем дә битараф калмас, дип ышанабыз, үзеннән кечкенә генә булса да өлеш керткән һәркемгә олы рәхмәтебезне белдерәбез! Җыелган посылка сугышчыларга барып җитәр, дип уйлыйбыз һәм фотолар көтеп калабыз.