Бүген, 23 апрель көнне, безнең 49 нчы «Гөлназ» балалар бакчасында татар халкының бөек улы, яраткан шагыйре Габдулла Тукайның туган көненә багышланган шигырь бәйрәме үтте. Бәйрәмгә безнең бакча оештырган «Тукай яши безнең күңелләрдә» шәһәркүләм шигырь укучылар бәйгесендә 1 урынны яулаган балалар җыелды.  Алар  Тукай язган һәм күренекле каләм ияләренең Тукайга багышлап язган шигырьләрен саф татарча итеп сөйләделәр, сәхнәләштереп уйнап күрсәттеләр. Тукай әкиятләрекнең персонажлары бәйрәмгә ямь өстәделәр, балалар белән уеннар уйнадылар. Бәйрәмгә хөрмәтле кунаклар – шагыйрә, Саҗидә Сөләйманова, Илдар Юзеев исемендәге әдәби премияләр лауреаты Әлфия Ситдыйкова, Яр Чаллы шәһәре мәгариф идарәсенең баш белгече Алия Фәрит кызы Мөхәмәтова да килгән иде. Бәйрәм ахырында җиңүчеләр дипломнар белән бүләкләнде. Бәйрәм татар халкыныңгимнына әйләнгән «Туган тел» җыры белән тәмамланды.Бәйрәмнән күренешләрне галереядан карый аласыз.