«Каз өмәсе» - хатар халкының борынгыдан килгән йола бәйрәме. Кар төшеп, җирләр туңдыргач, авылларда каз өмәләре башланган. Кызлар казларны йолкып, чишмәдә юып кайтканнан соң, кичке уеннар, тәм-том белән сыйланулар башланган. Бу көнне каз бәлеше, каз маенда пешкән коймак белән сыйлау булган. Бүгенге көндә мондый өмәләр бик сирәк күренеш. Безнең бурыч - «Каз өмәсе» йоласын ничек тә саклап калып, аны яшь буынның күңеленә салып кую. Безнең балалар бакчасында да  бүген «Каз өмәсе» бәйрәме узды. Көянтәгә казлар асып чишмәгә бару, каурый сибү кебек күренешләр җыр-бию, уеннар белән үрелеп барды. Бәйрәмнән балалар да, кунакка килгән әти-әниләр дә бик канәгать калдылар. Бәйрәмнән күренешләрне галереядан кереп карый аласыз.