«Табигатьне саклыйк» дигән экология темасына багышланган квест-уен оештырылды. Зурлар төркеменә йөрүче балалар экология буенча булган  белемнәрен кулланып, төрле проблемалы ситуацияләрне чиштеләр. Балалар агачларга, чәчәкләргә карата сакчыл караш булырга тиеш икәнен тагын бер кат исләренә төшерделәр. Төрледән - төрле җырлар, уеннар аша экологик теманы күтәрү балаларда экологик тәрбия бирүгә ирешүнең бер юлы. Шулай ук балалар бакчасында дүртаяклы дусларга булышу максатыннан “Дустыбызны саклыйк!” дип аталган акция дәвам итә.  Һәрбер төркемдә теләк буенча махсус савытка  кирәк-ярак җыела. Бу эш инде безнең уку елы башында ук башланган иде, шулай ук хәзер дә дәвам итә. Балалар әти-әниләре белән берлектә әлеге акциягә бик теләп кушылдылар һәм табигатьне саклауга үзеннән өлеш кертә  башладылар.