Балаларда милли мәдәният турында бербөтен күзаллау булдыру- туган телеңне белү һәм шул телдә аралашу; халык авыз иҗатын- әкиятләр, мәкаль- әйтемнәр, табышмаклар, бишек җырларын белү; шигырьләр, җырлар өйрәнү; туган як табигатен, милли халык уеннарын белү дигән сүз. Балалар бакчасыннан ук, балаларда үз милләтенә карата хөрмәт уята алсак, киләчәктә ул балада башка милләт халкына, аларның мәдәниятенә уңай мөнәсәбәттә булган толерант шәхес тәрбияләп булачак. Без балаларда үз халкыбызга, үз илебезгә мәхәббәт тәрбияләү белән генә чикләнмичә, кайда яшәүләренә һәм нинди милләт кешеләре булуга карамастан- барлык халыкларны, аларның мәдәниятен, гореф- гадәт, традицияләрен хөрмәт итәргә өйрәтәбез. Бүген, 16нчы ноябрь көнне бездә кунакта язучы Гомәрова (Шәрипова) ЗәбидәГабделбәр кызы, Хәмидуллина Роза Галимулла кызы булды. 1нче төркем тәрбиячеләре, Әндәрҗәнова Элмира Рифкат кызы, Шәйдуллина Илсөяр Илгизәр кызы, балалар матур итеп кичә оештырдылар. Килгән кунакларга, балаларга, тәрбиячеләребезгә чын күңелебездән рәхмәт белдерәбез!