Гимназиябездә 24 нче апрельдән 29 нчы апреленә кадәр татар теле атналыгы бара. Татар теле атналыгы кысаларында 25 нче апрель көнне гимназиябездә Чаллы шәһәре мәктәпләре һәм республикабызның төрле район мәктәпләре укучыларын “Гасырлар аша эндәшәм” исемле I регионара шигырь сөйләүчеләр бәйгесе үтте. Беренче сайлап алу турына килгән йөздән артык эш арасыннан иң яхшы 70 эш сайлап алынды. Икенче турга узган укучылар тантаналы рәвештә диплом тапшыру кичәсенә чакырылды.  Кичәдә Татарстанның атказанган мәдәният хезмәткәре, Татарстанның Габдулла Тукай исемендәге премияләре лауреаты  язучы, публицист  Ф.Сафин, А.Гыйләҗев исемендәге Чаллы татар дәүләт драма  театры артисты  Илфат  Аскаров катнашты. Кунаклар укучыларга җиңүче һәм призерлар дипломнарын тапшырдылар.  Кичә гимназиябез укучылары катнашында театральләштерелгән тамаша   белән алып барылды.