Спикерлыкка кандидатлар көч сынашуның өченче көне. Бер-берсе белән генә түгел, ә командалары белән берлектә ярыштылар алар бүген. Үз артыңнан ияртеп китү,  команданы җитәкләү өчен оештыра белү сыйфаты бик кирәк. Ул гына да җитми, сиңа ышанырга, иярергә тиешләр. Бу бик авыр һәм җаваплы эш. Бу юнәлештә  беренче адым булып үзеңнең командаңны булдыру тора иде. Башкарганнар, командалар сәхнәдә. Икенчесе- бирелгән өй эшләрен үтәргә.  Лицей тормышындагы булган кыенлыкларны табып, чишү юлларын күрсәтергә. Бу эшне дә уңышлы уздылар. Икенче бирем- синең команда уздырасы кызыклы чарага реклама бирү. Төрле сыйфатта бу бирем дә узылды. Ә  өченче сынау итеп залдан яңгыраган сорауга тиз арада команда белән җавап әзерләү. Булдырдылар.  Әфәрин, - дибез укучылар. Алдагы сынауларда да уңышлар телибез сезгә.