Бу уку елында 15 нче ноябрь көне  лицей белән театрга баруыбыз белән истә калыр дип беләм. Шикләнмим, укучылар, укытучылар күңеленә  тирән үтеп керде бу тамаша. Пушкин картасына алынган билетлар белән икенче тапкыр инде театр дөньясында "йөзәбез"". Серле , могҗизалар иле бу ! Аяз Гыйлаҗев исемендәге Чаллы драма театрының "Туйга ике көн кала" спектаклендә шулай сихерләнеп кайттык. Рольләрдә яшь артистлар уйный, үзләре  матур җырлыйлар, уйнаулары да бик  оста,  тамаша да бик кызык эчтәлекле...Ә бинасы ... Бина татар мохиты , театр тарихы белән сугарылган, зәвыклы итеп бизәлгән. Шәһәребез өчен, артистларыбыз өчен шатланып кайттык. Ял итәрлек, җанга азык  алырлык ,, килгән кунакларны шатландырырлык мәдәният учагы булдырылган бит Чаллыбызда!