Бүгенге көндә горурланып әйтә алабыз: милләтебезнең киләчәге бар! Милли киемнәрнең матурлыгына, яңгыраган татар җырларына, биюләренә сокланмаган бер кеше дә булмагандыр лицей залында. Әйе, бүген бездә бәйрәм чарасы узды, елдагыча "Татар малае" бәйгесен уздырдык. 10 малаебыз бу чарага бик рәхәтләнеп әзерләнеп килгән иделәр. Үзләре белән таныштыргач сәләтләрен ача башладылар. Күңелләргә җылы керде, җаннар тынычланды. Бар малайлар да иҗади, талантлы һәм кыюлар. Шуңа күрә дә һәрберсе дә ниндидер номинация буенча җиңүче булдылар. Әти-әниләр әзерләгән призлар да шул җиңүче дигән рәхәт хисләргә тагын бер җылылык өстәде. Ә менә "Татар малае -2021" исеменә лаек булган егетебез Равзетдинов Камил приз белән беррәттән кинога сертификат белән дә бүләкләнде. Котлыйбыз чын күңелдән. Без булдырабыз!