Юл йөрү кагыйдәләре... Бүгенге технологияләрнең алга киткән чорында бу тема безнең алга тагын да зуррак бурычлар куя, игътибар сорый. Хәзер күзәтсәң , урамнарда күп кеше, балалар гына түгел, олылар да, колакларына наушниклар киеп, кулларына телефон тотып , дөньяларын онытып йөриләр. Кайвакыт реаль тормышта яшәмәгән дә кебек. Ә бит тормыш элекке законнары белән дәвам итә һәм без аларга буйсынырга тиеш. Яшисебез килсә, әлбәттә. Менә шул яшәү өчен, сау-сәламәт калу өчен иң мөһиме- юлларда үзеңне дөрес тоту. Ә ничек тотарга икәнен лицейга килгән инспекторлар балаларга бик яхшы , аңлаешлы итеп кабат исләренә төшерде. Рәхмәт аларга!