20 нче октябрь көнне 1 нче балалар hәм яшьүсмерләр шәhәр иҗат сараенда Шаяннар һәм Тапкырлар Клубы фестиваленең беренче уены үтте. Анда 2 нче гимназиядән “Мәхәббәт”, 9 нчы мәктәптән “Кояшкай”, 29 нчы гимназиядән “Шайтан таяклары”, 52 нче мәктәптән “Текә борычлар”, 54 нче гимназиядән “Карантин”, 84 нче лицейдан “Оба-на” командалары катнашты. Бу уенда беренче тапкыр Маузир Гиниятуллин кубогы уйнатылды. Маузир Гиниятуллин мәктәпләрдә үтә торган Татар КВНна беренчеләрдән булып нигез салучылардан берсе иде. 54 нче гимназиянең «Карантин» командасы уенда җиңү яулап, кубокка ия булды. Команданы җиңүе белән котлыйбыз! Чараны 14 нче балалар-яшүсмерләр үзәге шәһәр мәгариф идарәсе белән берлектә оештырды.