2023 елның 1 февралендә Яр Чаллы шәһәренең 54нче гимназиясендә «Иң яхшы татар теле һәм әдәбияты укытучысы» Бөтенроссия конкурсының зона этабы узды. Әлеге чарада 4 муниципаль районнан (Әгерҗе, Минзәлә, Менделеевск, Тукай районнарыннан) һәм Яр Чаллы шәһәреннән 6 педагог катнашты.     Яр Чаллы шәһәреннән 57 нче гимназиянең татар теле һәм әдәбияты укытучысы Тимергалиева Ләйсән Раиф кызы, һәм 64нче гимназиянең татар теле һәм әдәбияты укытучысы Нуриева Лилия Валериевна зонага чыктылар. Укытучылар өчен конкурс сынавы булып «Дәрес» һәм «Мастер-класс» булды.   Зона этабында катнашучыларны Яр Чаллы шәһәре мәгариф идарәсе башлыгы Хуҗин Р. Н, жюри рәисе Татарстан Республикасы Мәгариф һәм фән министрлыгының милли мәгариф идарәсе башлыгы Халиков И.И., Татарстан Язучылар берлеге рәисе урынбасары, Татарстан Язучылар берлегенең Чаллы бүлеге җитәкчесе, Бөтендөнья татар конгрессының Яр Чаллы җирле оешмасы рәисе, Татарстан Республикасының Габдулла Тукай исемендәге Дәүләт премиясе лауреаты Сафин Ф. М. котлады. Конкурс - ул һәрвакыт дулкынлану, иҗади эзләнү, илһам. Педагогларга ихлас рәхмәтебезне җиткерәбез. Сезнең белемегез, сабырлыгыгыз, балаларга һәм туган телегезгә булган мәхәббәтегез – укучыларның һәм мәктәпнең уңышының нигезе. #лучшиеучителя_Татарстан# лучшиепедагоги_НабережныеЧелны