Котлы булсын гүзәл Нәүрүз-2015!

  Нәүрүз бәйрәмен безгә борынгы бабаларыбыз биреп калдырган.Урта Идел буенда яшәгән татар халкы кышлар үтеп, табигать яңара башлагач, көннең төн белән тигезләшкән бер мәлендә “Нәүрүз”бәйрәмен билгеләп үткәннәр.Нәүрүз бәйрәме атна-ун көн дәвам иткән.Фарсыча “Нәү”-яңа, “рүз”-көн дигәнне аңлата.Көнчыгыш календаре буенча бу-Яңа елны каршылау бәйрәме.Нәүрүз җиткәч, авылның иң чибәр, бар яктан уңган-булган кызын сайлап “Нәүрүз-бикә”дип игълан иткәннәр.Укучы балалар йорттан-йортка кереп, “нәүрүз әйтеп” йөргәннәр:

                                Ач ишегең керәбез,

                                Нәүрүз әйтә киләбез,

                                Хәер-дога кылабыз,

                                Нәүрүз мөбәрәкбад!

      Безнең гимназиябездә дә бу бәйрәмне үткәрү матур традициягә әйләнде. 20март көнне Знче сыйныф укучылары катнашында бик күңелле бәйрәм оештырылды.

   Тамашада балалар рәхәтләнеп җырладылар биеделәр, шигырьләр  сөйләделәр. Авызга кашык белән  йомырка кабып йөгерү, аркан тартышу, капчык киеп йөгерү  уеннары бәйрәмне тагын да җанландырды. Бәйрәм һәркемнең күңеленә хуш килде.