”Мин татарча сөйләшәм”акциясе

( 2014/15 нче уку елы)

”Мин татарча сөйләшәм”акциясе кысаларында 76нчы гимназиянең  6а сыйныфы укучылары татар теле һәм әдәбияты укытучысы  Якупова И. Р. белән берлектә 45 нче бистәдә урнашкан ” Пушкинский ”  сәүдә үзәгенә экскурсия ясадылар. Чараның максаты - “ Минем татар телендәге беренче 150 сүзем” буклетын тарату ,сатып алучылар арасында  дәүләт телләрен өйрәнү торышы турында  сораштыру үткәрү иде.

Сораштыру вакытында сатучыларга һәм сатып алучыларга түбәндәге сораулар бирелде:

• Татар телендә сөйләшә аласызмы?

•Сез  “гаилә”,” туганнар”,”бәхет”сүзләренең тәрҗемәсен беләсезме?

•Татарстанда яшәүчеләр татар телен өйрәнергә тиешме?

65кешегә сорау бирелде. Алар арасында татарча аңлый да, сөйләшә дә белүчеләр - 42%, аңлаучылар - 14%. Ә сораштырылган кешеләрнең 44%ы бөтенләй татарча аңламый, ләкин, шуңа да карамастан, “гаилә” сүзенең тәрҗемәсен 86% кеше белде.

Нәтиҗәләр күрсәткәнчә,  кечкенә нәниләре белән ял итеп йөрүче әниләр, урта яшьтәге кешеләрбик теләп аралашалар һәм татар телен өйрәнүнең әһәмиятле булуын  искәртәләр.  Алар киләчәктә дә безгә шушы эшне дәвам итәргә киңәш иттеләр. Гимназия укучылары “ Мин татарча сөйләшәм” акциясеннән бик канәгать калдылар.