”Мин татарча сөйләшәм”акциясе кысаларында 76нчы гимназиянең  5 б сыйныфы  укучылары татар теле һәм әдәбияты укытучылары Якупова И. Р. һәм Хәбирова Ф. С. белән берлектә 44 нче бистәдә урнашкан ”Чаллы икмәге” супермаркетына экскурсия ясадылар. Сораштыру вакытында сатучыларга һәм сатып алучыларга түбәндәге сораулар бирелде:

•          Татар телендә сөйләшә аласызмы?

•          Сез “ икмәк ”сүзенең тәрҗемәсен беләсезме?

•          Сезнең уйлавыгызча, ни өчен кибет “Чаллы икмәге”дип атала?

•          Татарстанда яшәүчеләр татар телен өйрәнергә тиешме?

46 кешегә сорау бирелде. Алар арасында татарча аңлый да, сөйләшә дә белүчеләр - 35%, аңлаучылар - 10%. Ә сораштырылган кешеләрнең 55%ы бөтенләй татарча аңламый, ләкин, шуңа да карамастан, “икмәк” сүзенең тәрҗемәсен 94% кеше белде.

Нәтиҗәләр күрсәткәнчә, урта яшьтәге кешеләр яшьләргә караганда бик теләп аралаштылар лар һәм рәхмәт әйттеләр. Киләчәктә дә безгә шушы эшне дәвам итәргә  киңәш иттеләр. Гимназия укучылары бу эштән бик канәгать калдылар.